У чэрвені сваё свята адзначыла вёска Міроўшчына. Дзякуючы работнікам культуры, наведвальнікам аддзялення дзеннага знаходжання для грамадзян пажылога ўзросту і комплекснай падтрымкі ў крызіснай сітуацыі і землякам, якія сабраліся, каб аддаць даніну пашаны роднай зямлі, урачыстасць выдалася па-дамашняму цёплай і шчырай.
Творчы калектыў сектара нестацыянарнага абслугоўвання насельніцтва раённага Цэнтра культуры і народнай творчасці пастараўся арганізаваць свята так, каб яно пакінула самыя пазітыўныя эмоцыі і запомнілася аднавяскоўцам.
